Vellukka gjennomføring av Fly-Mye-dag 21. juni 

Den 21. juni gjennomførte vi for første gong konseptet Fly-Mye-dag, og arrangementet vart ein stor suksess. Opplegget går ut på å køyre shuttle kontinuerleg opp og ned frå Hafstadfjellet så lenge det er pilotar og gode flygeforhold. Målet er å gi deltakarane høve til å fly fleire turar på same dag for å styrkje både ferdigheiter og mestringskjensle.

Trass i kort varsel vart oppmøtet svært godt. Allerede på første turen klokka 09 var bilen full, og det kom jamt påfyll av pilotar gjennom heile dagen. Alle deltakarane fekk rabattert pris på transport opp fjellet, noko som vart godt motteke.

Arrangementet vart opplevd som både sosialt, lærerikt og motiverande, og responsen frå deltakarane var svært positiv. Vi ser difor fram til å gjennomføre Fly-Mye-dag igjen ved høve.